الجمعة، 21 مارس، 2014

♪ ㄨ Golden Rainbow Ep 35 قوس قزح ذهبي

       الحلقه مقدمه لــكم من فريق aigo drama    


الســـلام عليكم و رحمة الله وبركاته 


عنـــدي كلام كثير داخل قلبي و ما أعتقد إني رح أقدر أوصل لكم 
ولو جزء بسيط من اللي أشعر به في قلبي لـأنه لو كنت أقدر أوصل لكم 
اللي أشعر به في قلبي ما أعتقد أن بعدها رح أشوف تعليقات محبطة و تزيد من إحباطي 
لاحظت في هاليومين اللي فاتوا في أي حلقة انزلها في أشخاص يجون ويسألون متى رح تنزلي الحلقة 35 من قوس قزح 
و لا و المشكلة ياليت سؤال وبس لا يجون يكتبون كلام جارح للغاية لي لدرجة أني احس اني مجرد 
ألة كاتبة أترجم لكم الحلقات وبس ترا أنا انسانة و عندي دراسة و عندي عائلة و عندي اشياء أخرى أهم من الترجمة 
و أنا هاليومين صحيح كنت مقصرة نوعاً ما و الله خلوني اقول أنا مومقصرة بأي شيء 
أنتوا أنانيين بشكل محد يتصوره تبون الحلقات تكون جاهزة قــدامكم و كفى 
اذا شفتوا سرعة من الفريق جلستوا تمدحوا و ماشاء الله عليكم 
وبس يتأخر الفريق سويتوا له سالفة لا صارت و لا أستوت كل هذا لانه تأخر 
أنا هالفترة أمر بظروف خاصة ما يعلم بها الا الله يعني محد يحق له يجي يسألني إن أنزل الحلقات له بسرعة 
أنتوا بالاساس ما تعرفون وش يصير خلف ملف الترجمة اللي تأخذونه و تشاهدونه 
هذا الملف بالذات صارت مشاكل فيه . . . المترجمة نورة الله يخليها و يحفظها و عن جد كلمة شكراً قليلة بحقها 
هي اللي أستلمت ترجمة هذي الحلقة و كان عندها سفرة و بعدها ارسلت لي الملف و أعتذرت إنها تكمل ترجمته 
لكن بعد ما رجعت فوراً أعطيتها الملف تكمل عليه و ماشاء الله بكل روح رياضية اخذته و ترجمته 
و هي موب مجبورة تترجم لي أو لكــم البنت ترجمة الملف و فجأة جهازها تعطل و الملف انحذف 
و أضطرت تعيد ترجمة الحلقة من جديد يعني تخيلوا الساعات اللي راحت هذر في ترجمة الملف مرة أخرى 
و البنت ايضاً عندها دراسة بس ما قصرت معاي 
المهم اعرف ان الكثير يمكن ما رح يقرأ كلامي و رح ينزل الحلقة 
لان الحلقة هي المهمة عنده و كلامي و لا بــريال بالنسبة له 
هذا القرار انا اتخذته و مارح اتراجع عنه عارفة إن في ناس ثانية بتجي 
و تقول حنا مالنا دخل و ما المفترض تبني قرارك عن اراء و تعليقات البعض فقط 
لكنني رح أنفذه المفترض اليوم أضع حلقتين لكم من هذي الدراما اللي هي الحلقة 35 و 36 
لكنني قررت إنني أتــأخر بتنزيل الحلقات عن قصد عسى و جعل ان البعض 
يتعض شوي ويقلل من تهوره و عدم مبالاته للمترجمين 
انا عارفة اني رح أتلقى كلام كثير و جارح ايضاً و عارفة اني رح ألاقي مثل هذا الكلام 
و أني جالسة أذلكم و مدري شنو بالعكس انا ما اذل أي حد و عندكم الترجمة بالانجليزي 
تفضلوا و شوفوا بالأنجليزي أحسن و أسرع 
منها تقووى لغتكم الانجليزية و منها تخلصوا المسلسل بسرعة 
أتمنى البعض ما يتحسس من كلامي و يعتبره مجرد فضفضة كانت بقلبي و ما قدرت أخليها بقلبي 
كل الود لكم 
أختكـــم / ورد 

                 
الفريق المترجم : أيقــــور دراما 
ترجمة  : نــــورة ورد تــدقيق / ورد 
إنتاج ورفع :علي ناروتو
رفع الراو / بلو دراغون
الحلقه تورنت 720pالراوsubالآون لاينهارد سب
35 HANrel

720p-HANrel

ASSdrive
gulfup


1fichier

mega


هناك 26 تعليقًا:

  1. شكرا

    ردحذف
  2. الله يعطيك العافيه ورد ، ومشكوره كثير نوره على الترجمه
    من حقك تاخذي هالقرار ورد ومو من حق احد انه يعترض لان الي تسوينه من تعبك و مجهودك انتي والفريق
    يعني مو الكل يقدر الي تعملونه وعارف التعب الي تتعبونه عشان الحلقه الي مدتها ساعه فقط
    انا عن نفسي مستعده انتظركم الى ماتنزلو الحلقه القادمه مهما تاخرتو
    واتمنى ان الجميع يقدر ويفهم ان الترجمه مش مجبورين عليها انتم هي بس هوايه لكم حابين تمارسوونها
    الله يعطيكم العافيه وماتقصرو ق٣
    والف شكر لكم على مجهودكم في كل الاعمال الي تقدموها

    ردحذف
  3. أولاً شكراً ويعطيكم العافية ربي يخليكم .

    ثانياً ماعليك من الي يقولون تتأخرون بالحلقات وكلام جارح
    هذولا ناس استغلاليين اتركوهم عنكم لا تشغلون نفسكم بكلامهم
    فاضين ويبغون كلش يجي لتحت رجولهم ويتأمرون عالرايح والجاي
    وريحوا بالكم وخوذوا وقتكم ، الدراما مو كل شيء بالحياة
    تأخروا بالحلقات مثل ماتبون .. أأيدكم باللي تسوونه لأني ما ألومكم * عن تجربة * .

    ردحذف
  4. قلببببببببببببببببي خذي راحتك انتي وفريقك

    متى مافضيتي ترجمي ونزلي ماعليك من احد حتى وانا متحمسه بس عاذرينكك ياقلبي :*************
    وشكرن جزيلا ومنتي اله ترجمه ياقلبي :********** لووف يووووووو كثييييييييير

    ردحذف
  5. شكراً
    الله يعطيكم العافية... الله يسعدكم في الدنيا و الأخرة

    ردحذف
  6. يعطيك ربي ألف عافية وشكرا ع الترجمة
    وما عليك من الي يعطونك تعليقات سلبية

    ردحذف
  7. فاااايتنغ
    وخذي راحتج بالترجمه

    ردحذف
  8. اوني انا لو مكانك اسوي حظر لكل اللي يتفلسف
    انا اذا متشوقه وايد اروح اشوف بالانجليزي م احب ازعج المترجمين الا اذا ف مشاكل بس اخبرهم لاني اعرف كيف الترجمه شغله صعبه
    فاوني احظريهم وخليهم بدون ملفات ترجمه عربي هههههه
    فايتينج اوني

    ردحذف
  9. على اني مااتابع هالدراما بس ابدددا مو من حق اي شخص يستعجل الترجمة ! غير انها مجانية بعد!!كل حاجه في الدنيا فيها صعوبات ولازم الناس تعرف تقدر غيرها ، وانتي ورد وكل المترجمين ماتقصرون والله، الله يعطيكم العافية ترجمتكم مذهلة، عيشي حياتك ماعليك من احد ومتى مافظيتي تترجمين ترجمي ههههه \\بيقتلوني الحين :-P //

    فااايتينق
    Big Love
    Moooah :-*

    ردحذف
  10. والله عيب عليهم اللي مايقدرو تعبك وفوق هذا يجرحون يكفي اللي جالسة تترجمينو مو مجبورة عليه
    كلمة شكر قليلة بحقك الله يعطيكي الف الف عافية على مجهوداتك وان شاء الله تتوفقي بدراستك
    والدراما رائعة بمعنى الكللللمة

    ردحذف
  11. مشكوورين على الحلقه
    الله يوفقكم ويسعدكم
    والتعليقات صراه مادري متى بيكبرون عقولهم ويفهمون

    ردحذف
  12. اهلين..
    انا بديت اتاابع الدراما من امس ومره تحمست معها اتمنى تكملينها ولاعليك من احد
    فايتنق3>

    ردحذف
  13. شكرااا

    ردحذف
  14. شكرا جزيلا على كل المجهود اللي تسوونه
    الله يعطيكم العافية ويسهل كل أموركم يالغاليات ^^

    فااااايتنغ

    ردحذف
  15. الف شكر ومفدرين تعبكم بالتوفيق

    ردحذف
  16. الله يوفقكم لكم جزيل الشكر والله يهدي الجميع وياليت يرتقون بتصرفاتهم

    ردحذف
  17. خذو راحتكم بالوقت اللي يقدركم راح ينتظر وماعليكم من الناس اللي همها الانتقاد

    ردحذف
  18. .

    يعطيكم الف عافيه
    ب النسبه ل الترجمه خذوا راحتكم وماعليكم من احد
    ف النهايه هذا شيء ل التسليه مو واجب عليكم حتى لو تسحبون
    مالهم حق يقولون هالكلام .. والله يعينكم صراحه على هالعقليات

    ردحذف
  19. الف شكر على المجهود
    يكفي انكم تعطونا من وقتكم وجهدكم
    وهذا يكفي ولكم كل الشكر

    ردحذف
  20. الله يسعدكم ويبارك فيكم

    ردحذف
  21. حسبي الله عليهم هالاشكال متى بيفهمون ان المترجمين أوادم ؟!!
    صرت اشك بعقولهم بصراحه ناس أنانيه وما همها غير وناستها وسعة صدرها
    ناسين أن كل حرف يكتبونه راح يحاسبهم ربي عليه بعدين .
    انا مو مترجمه بس أنقهر اذا شفت كلام المترجمات ينرحموون مره ):
    لو تحطون باسوورد على التدوينات وترسلون الباسوورد للناس اللي يردون بأسلوب زين و مو بس يحملون وهم ساكتين احسه احسن لكم
    بكذا محد بيقدر يغلط عليكم بشي لأنكم بتعرفونه وتسوون له بلوك+راح يختفون الاصنام اللي يحملون بدون ما يردون

    ردحذف
  22. كوماووووووووو عالترجمة ..~
    ^^

    ردحذف
  23. اللي يقولون هالكلام خليهم يجربوا يترجموا حلقة وحدة بس و بعدين يجوا يتفضلوا !
    أكره الأشخاص اللي ما يقدرون مجهود غيرهم واللي ما يحطون للناس أعذار !
    لكن أقول لكم شكرًا و ألف شكر على الترجمة ^-^

    ردحذف
  24. بالعكس الجهد اللي تسوينه جهد كبير ومقدرين واعليك من التعليقات السلبيه ومشكووره جدا على االترجمه والجميله ومقدرين جهدككك

    ردحذف
  25. الله يعطكيم العافيه بجد ماتقصرو
    آما بالنسبه للتعليقات السلبيه م عليك منهم همآ ناس حقين مصلحه وانانيين ججدآ وآنآ شخصيا أكره هذي الفئه
    لكن زي ماتشوفي زي اللي تهمهم مصلحتهم في ناس تحبكم وتقدر تعبكم
    يعني م عليكم من الناس السلبيين طنشوهم وسوو اللي يريحكم ومايعيق تعليمكم آو عملكم
    واهتمي بالتعليقات الايجابيه زي اغلب الناس بهالصفحه
    بجد آنآ قد ترجمت فلم وتعبت تعب مو صاحي , تكسر ظهري وانحرمت من جلسة أهلي عشان بس اخلصه
    ولمن خلصته ونزلته كنت فرحانه اقول في ناس بتشكرني وبتخليني ما اندم
    لكن لابد من وجود الفئه المصحلجيه والأنانيه , جو آخذو الحلقه ورآحو , وحتى ماكتبو شكرا
    عشان كنت في منتدى ولازم يكتبو تعليق قبل التحميل يجو يكتبو "تلهقتهنتلنق " خبابيص بس عشان يحملوها
    بعدها بطلت أترجم وربي مآعندي صبر ولا قدرة إحتمال لهم , لكن إنتو صبرتو واتحملتو الله يسعدكم
    المهم مآعليكم ومدونتكم هذي يعلم ربي قد ايش احبها وآحب ترجمتكم
    الله يعطيكم العافيه ويوفقكم باختباراتكم ومعذورين
    وعلى إنكم خلصتو المسلسل الحين وانا اتابعه لكن لمن مريت على كلامك عورني قلبي بجد شي مستفز
    تسلمو والله يسعدكم

    أختكم / هيفاء

    ردحذف